По барање на жители од населбата Топанско Поле, вработените на ЈП „Паркови и зеленило“ исекоа над десетина канадски тополи од дрворедот на улицата „Петар Ичко“ стар над пет децении. Од Општина Чаир ја потврдија информацијата и велат дека не станува збор за никакво проширување на оваа важна сообраќајница во населбата по која минуваат и градските автобуси.
Од „Паркови“ тврдат дека поради староста и висината на гранките што достигнувала до триесетина метри, дрвјата претставувале потенцијална опасност на секое невреме. Често велат од старите и високи дрвја на силни ветришта се кршеле гранки, кои се потенцијална опасност за минувачите, но и за станбените згради во непосредна близина, од другата страна на улицата. Кршењ��то гранки особено беше опасно за децата, бидејќи дрворедот на оваа сообраќајница беше паралелен со училишната ограда на ОУ „Рајко Жинзифов“. (Сн.К.)
