ЕЈМИ ВАЈНХАУС
Луда по Џош Боман
Контроверзната пејачка Ејми Вајнхаус, по разводот од сопругот Блејк, одлучила новогодишните и божикните празници да ги помине на Карибите, заедно со актерот во подем Џош Боман. Иако постојано се заедно, Боман ја негирал потенцијалната врска помеѓу него и пејачката.
Пред гостите во хотелот, во кој била сместена со Џош, Ејми кратко запеала, а потоа се упатила во прегратките на новото неофицијално момче.
„Кога заврши со пеење, веднаш замина кај Џош, а потоа тие двајцата пред сите се бакнуваа, покажувајќи дека навистина уживаат во заедничката среќа. Џош изгледаше навистина импресиониран од новата девојка“, изјавил еден од гостите.
Но, и покрај бројните фотографии што се појавиле во медиумите, каде што се гледа дека Ејми и Џош ги поврзува нешто повеќе од пријателство, тие се' уште негираат дека се во врска и дека меѓу нив постои само вистинско и блиско пријателство.
Со оглед на брзината со која се дознаваат информациите во шоу-бизнисот, наскоро ќе се знае за што, всушност, станува збор. Она што е сигурно е дека новата година за Ејми започна и повеќе од добро, со оглед на подобрената здравствена состојба и желбата за менување на начинот на живеење. |
