Најголем раст на еврото

На пазарот на валути во текот на изминатата недела еврото достигна највисок раст во последните два месеца, благодарение на заслабениот долар, пренесе Хина.

Минатата недела курсот на еврото во однос на доларот се зголеми за 0,7 отсто, односно 1,2640 долари, а во петокот во еден момент достигна и 1, 2722 долари, што е највисоко ниво во последните два месеца. Во однос со јапонската валута - јенот, еврото порасна за 1,5 отсто и достигна вредност од 112 јени. Индексот на доларот, кој ја покажува вредноста на американската валута во однос на шест други светски валути, во текот на минатата недела падна за 0,8 отсто, на 83, 84 поени и слабее веќе петта недела, пишува Хина.

„Дојде до неверојатен пресврт, но продолжението на ваквиот тренд зависи од стравот да не избие нова рецесија со двојно дно во САД“, изјави аналитичарот на Кредит агрикол на СИБ, Дараг Маер. (Ек.Р.)