И дела на Дејвид Грас за акцијата „Можеш ако сакаш“

Од денеска во просториите на граѓанската иницијатива „Јавна соба“, на продажна изложба ќе бидат презентирани предмети и скулптури од картон изработени на одржаната работилница на холандскиот дизајнер Давид Грас во Скопје.

Собраните средства ќе бидат наменети за изградба на одделението за интензивна нега на Клиниката за детска хирургија, во рамките на акцијата „Можеш ако сакаш“, чии организатори се холандската амбасада и Националната фондација за трансплантација.

Работилницата на популарниот холандски дизајнер беше дел од фестивалот „Биди креАктивен, дизајнирај го својот град од иднината“, со кој се одбележува националниот ден на Холандија, а се одвиваше во просториите на Арт институт.

Дизајните на Давид Грас се еколошки, имаат прифатлива цена и се едноставни за изработка. (К.Б.)