Македонските компании очи в очи со инвеститорите

Водечки претставници од 21 компанија од осум земји од Југоисточна Европа учествуваат на регионалната инвеститорска конференција во Виена, на која ќе се одржат 170 „еден на еден“ состаноци со австриски и со други меѓународни инвеститори. Организатор на состанокот е Раијфаизен банка заедно со берзите од Југоисточна Европа, меѓу кои е и Македонска берза. „Навреме ги препознавме можностите што се нудат на просторите на Југоисточна Европа и ги интензивиравме нашите активности во рамките на регионот“, истакна Михаел Спис, главен извршен директор на Раијфаизен банка. Оваа година вкупно 21 компанија од Југоисточна Европа ја прифатиле поканата за учество на настанот и можноста да се претстават пред стручната инвеститорска заедница, што претставува нов рекорд. Од македонските компании учествуваат „Алкалоид“, Комерцијална банка и Стопанска банка Битола. (Ек.Р.)