Сите купуваат во кеш
Македонците и натаму преферираат да купуваат исклучиво во кеш. Податоците на државната статистика покажаа дека за првите три месеци од годинава, најголем дел од прометот во трговијата на мало, поточно 90,6 отсто, според начинот на плаќање, е остварен за готови пари. Ова упатува дека засега се залудни обидите на властите за воведување безготовинско плаќање, односно дека луѓето се' уште преферираат купување за готовина.
Инаку, во првите три месеци од годинава, во однос на истиот период минатата година, прометот во трговијата на мало бележи зголемување за 10,3 отсто, а прометот во трговијата на големо зголемување за 25,3 отсто. Во периодот јануари - март 2008 година, во трговијата на мало во Македонија е остварен промет од 330 милиони евра, а во трговијата на големо 527 милиони евра.
Со потрошувачки кредит, 13 отсто од вкупната продажба, се купуваат возила. (Ек.Р.) |
