Доцнењата на премиерот се заразни
Никола Димитровски, Скопје
Дека медиумите се под притисок веќе е познато. Се чини дека и самоцензурата кај новинарите, полека, но сигурно, се вовлекува како разултат на очигледните притисоци, заплашувања и закани. Заради тоа, за заштита на новинарите од власта, очекувам овие констатации да ги објавите како писмо од читател, кој укажува дека постојаните доцнења на прмеиерот Груевски стануваат заразни.
1. На средбата на Националниот совет за ЕУ со чешкиот премиер, потпретседателот на Владата, Боцевски, задоцнил 40 минути и се оправдувал дека бил зафатен со изборната кампања.
2. Во средата стечајните работници штрајкуваа пред Владата од утринските часови (навистина, премиерот го започнува работниот ден во 12 часот напладне) и бараа средба со Груевски или Ставрески. Средбата не се одржа со изговор дека тие биле зафатени поради изборните активности.
3. Возилата од јавните претпријатија се ставени на располагање на Изборниот штаб на партијата на власт (видете ги паркинзите на јавните претпријатија- празни).
4. Наголемо се врши вработување во јавните претпријатија во време на изборна кампања (независна комисија од граѓани нека направи увид во заводите за вработувања).
Платите што ги добиваат премиерот, министрите и државните службеници се од буџетот, од сите граѓани. Тие плати се за да ги работат доверените работи, а не за изборни активности. Предлагам да ги вратат платите од овие изборни денови. Дополнително да вратат во буџетот пари потрошени за ангажирање на службени возила и лица. |
