Рој Хоџсон нов менаџер на Ливерпул

Рој Хоџсон (62) е 18. менаџер во клупската историја на Ливерпул, потврди официјалната Интернет-страница на англискиот фудбалски премиерлигаш.

Довчерашниот менаџер на Фулам, клуб што играше во финале на Лига Европа, потпиша тригодишен договор со „црвените“, а минатата сезона беше прогласен за најдобар во својата струка од страна на Здружението на лигашките менаџери.

Во своето прво обраќање до јавноста како тренер на Ливерпул, Хоџсон изјави дека е горд што го презема најуспешниот британски клуб и дека се радува на состанокот со играчите.

Во долгата тренерска кариера која ја започна во 1976 година во Халмштад, Хоџсон ги тренираше селекциите на Швајцарија, Обединетите Арапски Емирати и на Финска, а на двапати беше на клупата на актуелниот европски првак Интер на чија клупа сега седи довчерашниот тренер на Ливепул, Рафаел Бенитез.