УО на ФФМ на дводневна седница во Охрид

Управниот одбор (УО) на Фудбалската федерација на Македонија (ФФМ) �� пред работен викенд во охридскиот хотел „Инекс Горица“. Претседателот Харалампие Хаџи-Ристески ја закажа седмата седница која ќе има два дела, првиот е утре, вториот во недела.

Пред членовите на УО ќе се најдат извештаите на комисиите и телата на ФФМ, предлог пропозиции за натпревари во првата лига, втората, третата и Купот на Македонија за сезоната 2010/11, предлог пропозиции за натпреварувања во младинските категории, предлог календар за натпревари, предлог листа на делегати за прва и втора лига, предлог листа на судиски контролори, предлог листа на судии за прва и втора лига, а ќе се избираат и членови на судскиот комитет на ФФМ.