Опремени две бањи во Домот „11 Октомври“
Збратимениот град Нирнберг во декември минатата година донираше опрема за 14 бањи за Домот за деца без родители „11 Октомври“, од коивчера беа целосно опремени две. Донацијата, вчера свечено ја предаде во употреба скопскиот градоначалник Трифун Костовски. Санитарната опрема е обезбедена од компанијата „Санитер-Хајнце“ од Нирнберг.
Градоначалникот Костовски истакна дека реновирањето се прави за доброто на младите генерации. Ристенка Атанасова, директорка на Домот за деца без родители „11 Октомври“, посочи дека со донираната опрема од Нирнберг веќе се комплетно реновирани две бањи. Домот „11 Октомври“, како благодарност за донацијата, им додели благодарници на Костовски, на амбасадата на Германија во Македонија и на Министерството за труд и социјална политика. (С.Н.)
|
