Доживотен затвор за братоубиство

Доживотна казна затв��р заработи Живко Ангелески од Охрид поради убиството на неговиот брат Александар, чие тело беше пронајдено пред една година на неколку локации на патот што води од Охрид кон селото Велестово.

Судијата Милчо Клишески од Основниот суд во Охрид му одреди на Зоран Јовески затворска казна во времетраење од 12 години поради соучесништво во злосторството.

Одбраната на осудените по изрекувањето на пресудите со забелешка дека во текот на процесот воопшто не биле изведени докази што би го потврдиле обвинението.

Убиството на Александар Ангелески, според судијата Клишески, се случило меѓу 30 ноември и 3 декември минатата година во семејната куќа на Ангелески. Постариот брат Живко го убил брата си, а потоа безживотното тело го искасапил на делови. Тој заедно со Јовески ги расфрлил деловите на телото на убиениот. (МИА)