Хомосексуалците во САД денес не работат
САКРАМЕНТО - Активисти апелираа до американските хомосексуалци еден ден да не одат на работа во знак на протест на неодамнешната забрана за хомосексуални бракови во некои држави, вклучувајќи ја и Калифорнија. Од нив беше побарано да не одат на работа и да извршуваат општествено-корисна работа наместо да бидат на своите работни места и, исто така, да се воздржат од купување со цел да го покажат економскиот удар од хомосексуалната популација. Не е јасно колкав е бројот на лицата што не се појавија на своите работни места, меѓутоа организаторите на протестот изјавија дека тој го зајакнал угледот на хомосексуалците. Конектикат и Масачусетс се единствените држави во кои е дозволено склучување хомосексуални бракови. (Би-Би-Си) |
