Допрецизирања од Уставниот суд
Југослав МиленковиЌ, портпарол на Уставниот суд
Портпарол на Уставниот суд, Во написот насловен како „Уставниот суд со ’Малиот ринг’ ќе пресудува и за себе“, објавен во „Утрински весник“ од 18 декември 2008 година - стр 4, присутни се три непрецизности во врска со изградба на објект наменет и за потребите на Уставниот суд: (1) дека „...оттаму сметаат дека не треба да го делат објектот со друг корисник, особено не со институција која е сосема различна од нивната“: (2) дека институција која се занимава со оцена на уставноста и законитоста беше договорена за време на посетата на премиерот Никола Груевски на Уставниот суд во мај оваа година“; (3) дека „... надлежните од Уставниот суд не биле консултирани ниту околу локацијата на зградата ниту, пак, за распоредот на просториите“.
Фактите во врска со тие три прашања се: (1) Судот воопшто не се изјасни по прашањето на „делење објект со друг корисник“, со оглед дека просториите на Судот во предвидениот објект имаат посебна функционалност и посебен влез; (2) премиерот Груевски воопшто не го посети Уставниот суд во 2008 година, па ниту во мај оваа година, ниту е нешто договарано; (3) надлежните од Судот беа консултирани и околу локацијата и околу распоредот на просториите, наменети за потребите на Судот, од органите надлежни за урбанистичко планирање.
|
