Едукативен центар за идни лекари

ТЕТОВО - Студентите на Медицинскиот факултет при ДУТ вчера официјално добија простор за свое образование. Предаден беше во употреба дел од големиот објект, ургентен центар во чии рамки 900 квадрати се за медицинарите. Овој дел беше финансиран од Исламската банка за развој, која донирала 600.000 долари.

На пригодна свеченост објектот го предадоа министерот за здравство, Бујар Османи, и претставникот на Исламската банка за развој, Мухамед Ахмед Салам. Министерот Османи истакна дека Тетовската клиничка болница има најсовремен објект - дијагностички центар во чија изградба Владата учествува со четири милиони евра и уште со 3,5 милиони евра за најмодерна медицинска опрема што дополнително ќе биде испорачана.

Медицинскиот факултет во Тетово е основан во 2008 со одлука на Министерството за здравство. Во трите години студии се опфатени околу 150 студенти. (Г.Е.)