Рикер молчи за изјавите на Пердју

Позицијата на САД во врска со прашањето за името останува иста и таа е многу добра позната, изјави вчера американскиот амбасадор во Скопје, Филип Рикер.

„Во врска со прашањето за името нашата позиција е многу добро позната и, исто така, што е уште поважно, позицијата на северноатлантскиот совет на НАТО е позната и во таа насока нема промени“, рече Рикер одговарајќи на новинарско прашање.

Поранешниот американски дипломат и олеснувач во разговорите за Охридскиот рамковен договор, Џејмс Пердју, се заложи за зајакнување на улогата на САД и на ЕУ во однос на спорот за името, со цел негово поскоро решавање. (МИА)