ПАМЕЛА АНДЕРСОН

Напад од исламистите за донација на парите од „Плејбој“

Откако Памела Андерсон открила дека во хуманитарни цели донирала 25.000 американски долари, што ги заработила сликајќи се за „Плејбој“, беше јавно нападната од исламистичко здружение за човекови права. Имено, како што тврдат исламистите, Памела го навредила бога, зашто парите ги заработила со „неморален чин“. Нејзиното однесување е спротивно на божјите закони. „Ако сака да се фотографира гола, тогаш предизвикува уште поголема катастрофа во Индонезија. Тоа е забрането“, изјавил за индонезиската ТВ Метро, Хабиб Умар Салим, водач на здружението.

Актерката неодамна позираше гола за насловната страница на „Плејбој“ што ќе излезе во јануари 2011 година. Чекот што го добила го испратила во хуманитарно здружение, кое се занимава со помош на луѓето што немаат пристап до вода за пиење. Здружението купува за нив филтри за вода. „Тоа се моите херои. Штом ја снимив насловната страница за ’Плејбој‘, директно им испративме чек на 25.000 долари. Исто така, и јас лично донирав. Би сакала да можам и повеќе да направам. На Хаити и на Пакистан им се потребни овие филтри, а вие проширете ја веста“, изјавила некогашната зајачица.