Отворено за проблемите на гинеколозите
Авторот и' е познат на Редакцијата
(Повод: текстот под наслов „Матичните гинеколози незаконски наплаќаат за првиот ПАП-тест“, објавен во „Утрински весник“ од 6.12.2008)
Почитуваната новинрка Јасмина Јовановска требала да ја чуе и другата страна поради следново:
Сите матични гинеколози се приватни здравствени установи и имаат договор со ФЗО,без разлика каде се лоцирани (во свој простор, во најмен простор-концесионери или во приватни поликлиники – „Неуромедика“, „Дијагностички центар“, „Интермед“ и др.) и мора да работат под исти услови.
.Првиот ПАП тест за пациентките кои се осигурани е бесплатен кај секој матичен гинеколог, без разлика каде е лоциран и тој е платен од ФЗО на матичниот гинеколог преку капитацијата. Вториот,третиот итн. и ПАП- тестот кај неосигураните лица се наплатуваат и тоа е регулирано со правилник.
Транспортот на биолошки материјал е веројатно регулиран со закон поради опасност од злоуптореба, манипулација и последици за здравјето на транспортерот и околината.
ФЗО, со кој имаме добра соработка и станува се' подобар, да ги контролира сите матични гинеколози, а не по народната не можеш по коњот („Неуромедика“, „Дијагностички центар“, „Интермед“) удри по самарот (концесионерите).
В.д. директорката на ГАК, д-р. Адела Стефанија не е компетентна да го коментира работењето на матичните гинеколози преку медиумите, бидејќи постои реална можност читателите да го коментираат „нејзините тарифи“.Таа нека се преокупира што стана и што остана од ГАК од кога е главен менаџер на ГАК
Сите проблеми во примарната здравствена заштита, а посебно во примарната гинекологија постојат поради немање пакет-услуги кој Министерството за здравство го подготвува веќе две години, но не е ниту на повидок. |
