Прилепчанец дома чувал археолошки предмети

ПРИЛЕП - Од куќата на осомничен прилепчанец за противправно поседување артефакти вчера беа изнесени неколку скулптури, кои, најверојатно, биле пронајдени на локалитетите во Прилепско. Екипи од полицијата и експерти за културно наследство со часови се обидуваа да го организираат транспортот на масивните скулптури, кои тежат по неколку тона, а го краселе дворот на осомничениот.

„Овие се фрагменти од вредна архитектонска декоративна пластика со орални и животински мотиви. Има една вредна статуа на некој машки великодостојник со нови драперии. Тие се чест прилог на богати храмови на гимназиони, каков што  е оној во археолошкиот лока��итет Стибера. Така што претпоставуваме дека тие експонати се од околината на Прилеп, но, сепак, со дополнителна експертиза точно ќе се утврди каде припаѓале“, изјави д-р Звонимир Николоски, инспектор во Управата за заштита на културното наследство.  Како што изјавија експертите од Управата, културното наследство нема парична вредност, но е неприкосновено. Затоа обврска на секој граѓанин е се' што ќе пронајде да го пријави до надлежните институции, кои потоа ќе го заштитат и ќе го презентираат. „Ова се само помасивните предмети што не успеавме да ги изнесеме првиот пат во четвртокот “, изјави Илчо Бојчевски, раководител на Одделението за превенција во Управата. Сите изнесени скулптури ќе бидат однесени на вештачење за да се утврди нивната археолошка вредност и периодот од кога датираат. (Мн.Т.)