Почнува трката за најубаво украсени двор и зграда

И годинава скопјани ќе можат да се натпреваруваат во новогодишно украсување на домовите и на работните простории. Оние што ќе учествуваат во градската манифестацијата „Новогодишните бои на Скопје“ ќе можат да се докажат кој е повешт во украсувањето на дворот од индивидуална куќа, прозорецот или терасата.

Во трката за најубаво украсени објекти ќе можат да се вклучат и сопствениците и вработените од деловните објекти, потоа средношколците, украсувајќи ги училишните дворови, како и станарите од станбените згради. Заинтересираните веќе од утре до 2,0 декември ќе можат да се пријават на телефонскиот број 3297-265 во периодот од 9 до 16 часот. Фотографии од украсените објекти заедно со личните податоци на сопствениците, телефонскиот број и адресата, ќе може да ги испраќаат веб-страницата на Градот [email protected], или на адреса - булевар „Илинден“ б.б., со назнака за акцијата „Новогодишните бои на Скопје“.

Пристигнатите пријави ќе ги оценува жири-комисија составена од претставници на медиумите, а Градот има обезбедено награди што ќе им бидат доделени на најуспешните. И годинава, како и минатата, „ЕВН Македонија“ ќе ги ослободи победниците во сите категории, еднократно од плаќањето на сметката за потрошена електрична енергија за декември 2010 година. (Сн.К.)