Што прават денеска
 Горан Наумовски
пејач
Денот ми е исполнет со возбуда и очекување на пладневната промоција на спотот за песната што ја изведов на фестивалот „Сунчане скале“ во Херцег Нови летово. Песната е снимена на хрватски јазик, како што ја изведов на фестивалот, па ги очекувам впечатоците на јавноста, по денешната промоција во „Мистер Џек“.
 Ѕвезда Ангеловска
актерка и режисерка
Денеска сигурно ќе присуствувам на свеченото отворање на новата студентска година, на Факултетот за аудиовизуелни уметности ЕСРА. Вечерва, во 19 ч. треба да се сретнам со колегата Трајче Георгиев, да разгледаме можности за работа на еден заеднички проект.
 Васил Соколов
нуркач
Денешниов ден, главно, ми е за секојдневни обврски на работното место. Бидејќи нивото на водата на езерото Матка е спуштено, не нуркаме, но вршиме некои суви подготовки. Викендов, веројатно ќе нуркаме во Охрид. Инаку, постојано сме во контакт со италијанско-белгиската екипа, што летово ја истражуваше пештерата Врело. |
