Отворено писмо од ВМРО-НП до ВМРО-ДПМНЕ

Миле Јакимовски, генерален секретар на ВМРО-НП

Почитуван г-дин Протуѓер,

ВМРО-Народна партија ја поздравува иницијативата за измени на постојниот Закон за определување дополнителен услов за вршење јавна функција, познат како Закон за лустрација. Во таа насока, би сакале да истакнеме дека како партија во неколку наврати јавно сме излегле со став дека постојното законско решение треба да претрпи измени.

Затоа ВМРО – Народна партија е подготвена со свои предлози да учествува во креирањето на новото законско решение. Доколку се формира работна група составена од претставници и на други политички партии, подготвени сме да партиципираме со свој член во работната група.

Доколку, сепак, одлучите да не ја прифатите нашата помош, уште еднаш јавно го истакнуваме нашиот став и мислење, кои одредби треба да ги содржат измените на Законот за лустрација:

- Лустрацијата да важи за сите досегашни носители на јавни функции, вклучувајќи го и периодот до денот на донесување на измените на Законот, значи 2010 година;

- Имињата на сите за кои ќе се утврди дека соработувале со тајните служби да бидат јавно објавени;

- Комисијата за верификација на факти треба само да ги констатира фактите, а не да гласа за факти или да се надгласува;

- Во членовите на Закон��т, кои се однесуваат на делот што се однесува на опфатот на соработниците условено за стекнување материјална и нематеријална корист, како и напредување во службата на соработниците да биде избришан. Со тоа би се отстранила границата на опфат на лицата што треба да се лустрираат;

- Во членовите на Законот што се однесуваат на континуитет на соработка со службите, да се констатира дека евиденцијата за соработник да не се условува со одреден континуитет или дисконтинуитет во соработка со службите.