Опасна група крадци фатени на дело во Гостиварско
ГОСТИВАР - Во куќата на П.Д. во гостиварското село Беловиште, во петокот, два часа по полноќ, припадници на ПС- Гостивар, фатија на дело четворица опасни крадци. Во моментот кога ја извршувале кражбата, уапсени биле
26-годишниот П.Ш. од Беловиште и 25-годишниот И.Ќ., државјанин на Албанија, додека двајца крадци од групата успеале да побегнат. Полицијата го знае нивниот идентитет и трага по нив. При претресот во домот, кај еден од уапсените, биле пронајдени над половина килограм златен накит и други предмети, за кои постои сомневање дека се украдени.
Групата подолго време оперирала во Гостивар и околните села. Уапсените П.Ш. и И.Ќ., по распитот на истражен судија во Основниот суд Гостивар, заработија по 30 дена притвор. (К.К.) |
