Претходен број

Web Special

Ограбено возило на Охридска банка

Вчера околу 17 часот непознати лица го ограбиле возилото во близина на селото Кадино

00:18 02.06.2009 - Непознати вооружени лица ограбија вчера во близина на село Кадино возило на Охридска банка кое пренесувало пари, соопшти МВР.

Според портпаролот на Министерството Иво Котевски од страна на Охридска банка е пријавено дека околу 17 часот засега непознати лица ограбиле нивно возило со кое се превезувале пари.

Грабежот се случил околу 16.45 часот кога, според пријавата, возилото на Охридска банка било запрено од страна на едно лице. Во моментот кога возилото запрело им се приближило патничко возило од кое излегле две лица вооружени со автоматски пушки. Под закана со оружје од вработените во банката им било побарано да им ги дадат парите. Откако им ги дале парите ограбувачите избегале во непознат правец.

МВР веднаш по примањето на пријавата ги блокирало, односно врши контрола на влезовите и излезите и се трага по лицата и возилото со кое е извршен грабежот.

Увидни екипи се на местото на грабежот. Во тек се разговори со одговорните во Охридска банка. (МИА)