САЈМОН МОНЏЕК

Почина сопругот на Британи Марфи

Сопругот на покојната актерка Британи Марфи почина од срцев удар, пишува „Дејли мејл“. Сценаристот Сајмон Монџек почина пет месеци по смртта на Марфи во својот дом во Холивуд Хилс. Триесет и деветгодишниот Монџек и претходно зборуваше за своите проблеми со срцето и нападите, но полицијата во Лос Анџелес, сепак, ја истражува неговата смрт.

Актерката Британи Марфи почина кон крајот на минатата година, во рацете на својот сопруг Монџек, кој се обидувал да ја реанимира. Тој предизвика контроверзии барајќи од властите да не вршат обдукција, изјавувајќи дека не може да поднесе да го отвораат нејзиното тело.