Владимир Четкар

Настап по трет пат во „Блу нот“ на Менхетен

Македонскиот џез-гитарист Владимир Василевски - Четкар в сабота (29 мај) трет пат ќе настапи во најпознатиот американски џез-клуб, „Блу нот“, лоциран во Менхетен, Њујорк. Истиот ден и на истото место ќе настапи и легендарниот американски пијанист Ахмад Џамал.

Најновите информации поврзани со Четкар велат дека неодамна добил понуди да настапи и во еминентниот њујоршки центар на уметности во Бруклин, „Brooklyn Academy of Music“, како и во „Иридиум“, кој е еден од водечките џез-клубови во Америка. Четкар ќе се претстави како гитарист, вокалист и композитор, а ќе биде придружуван од Мото Фукушима, Милан Милановиќ и Арон Стил.