Во врска со демантот од Секторот за односи со јавноста при Влада на Република Македонија дека вршам обид за груба манипулација со податоците објавени во моја колумна во „Утрински весник“ на 20 октомври 2010 година, ја информирам јавноста за следново:
Никаде во демантот на Владата не се негирани следниве мои констатации во посочената колумна:
Вкупниот надворешен девизен долг на Македонија на 30 септември 2006 година изнесуваше 2,4 милијарди евра кој порасна на 4,1 милијарда евра на 30 јуни 2010 година.
Моменталниот тренд на задолжување, како и новонајавената кредитна линија од ММФ и Светска банка од 600 милиони евра значи дека веројатноста е голема до 30 јуни 2012 вкупниот надворешен девизен долг на Македонија да изнесува најмалку 5 милијарди евра. Тоа би значело дека за само шест години во време на Никола Груевски, вкупниот надворешен девизен долг ќе се дуплира.
Никаде во мојата колумна не може да се прочита дека овој долг е јавен долг, туку пишувам дека тоа е вкупниот надворешен девизен долг на Македонија (кој, исто така, е јавен податок и може да се провери на веб-страницата на Народна банка на Република Македонија).
Ако на економистите во Владата кои ја напаѓаат мојата стручност, не им е јасно дека терминот вкупен надворешен девизен долг се однесува на вкупниот јавен и приватен долг на Република Македонија, навистина треба да се запрашаме на кого не му е позната економијата.
Владата на Република Македонија е одговорна за севкупната макроекономска состојба, која го опфаќа јавниот и приватниот сектор во државава. Обидот Владата да си ги припишува податоците што и' одговараат, а да ја префрла на други вината за податоците кои не и' одговараат, всушност, е вистинскиот обид за груба манипулација со податоците. Но, сето ова детално ќе го образложам во следнава моја колумна.
Neznam sto voopsto se 'raspravas" so Vladata. Pa tamu izjavi, planovi,analizi dava koj kako stigne,od cinovnik do Minister, a sto e najvazno i oni samite ne znaat koj sto kazal.Pameten minister nema da dozvoli drugi da kazuvaat "brojki i bukvi" za negovoto Ministerstvo, no so obzir na toa kakvi se Ministrite, i ova e dobro sto barem nekoj od "cinovnicite" se nafatil barem nesto da kazat.Sekojden e se poneozbilno i poneozbilno.Za da "kupat" den, se zadolzuvaat za 20dena,pa taka za da opstanat uste 2 godini, ke ne zadolzat za slednite 50godini, a za toa tocni brojki ne im se potrebni.Moze i od rakav.
Од: samoil
Датум: 25.10.2010 14:18:45
Sreka sto Doncev ne e od DPMNE inaku i toj ke gi kazuvashe rozevite rezultati
Vaka toj nema interes i razmisluva realno
pozdrav
