Крводарителска акција за Св. Атанас

Советот на Месната заедница Усје заедно со одборот на црквата „Св. Атанасиј“ и Црвен крст на Кисела Вода в понеделник организираат крводарителска акција по повод христијанскиот празник Св. Атанас. Акцијата ќе се одвива во просториите на Месната заедница од 8 до 17 часот.

Веќе традиционално, одборот за прослава на Св. Атанас организира и празничен ручек, на кој ќе присуствуваат и градоначалникот на Кисела Вода, Марјан Ѓорчев, и претседателот на општинскиот Совет, Звонко Спасовски. Празнувањето ќе започне во 8 часот во црквата „Св. Атанасиј“. (Б.Ш.)