Се асфалтира улицата „Тодор Чангов“ во Горно Лисиче

Општина Аеродром деновиве почна да ја асфалтира улицата „Тодор Чангов“ во должина од 520 метри и 7 метри широчина. Претходно на улицата беше изведена комплетно нова фекална канализација со приклучоци кон секундарната фекална мрежа и нова атмосферска канализација. Градежните активности ги изведува „Гранит“, а средствата се издвоени од буџетот на Општината. По новоасфалтираната улица веднаш ќе почне да сообраќа автобус на ЈСП „Скопје“ со број 17–а.