Повеќе Роми - медицинари

ТЕТОВО - Општина Тетово и Центарот за институционален развој од Скопје потпишаа меморандум за соработка со кој ќе се придонесе за зголемување на бројот на студенти - Роми на медицинските науки. Проектот е поддржан од Институтот „Отворено општество“ и Ромскиот едукативен фонд. Опфаќа десет средношколци - Роми од четврта година кои пријавиле интерес за медицинските факултети. На потпишувањето на меморандумот Зора�� Стојковски, извршен директор на Центарот за институционален развој, рече дека проектот нуди можности за зголемување на бројот на студенти од ромската заедница и ќе придонесе во унапредување на пристапот до здравствени услуги на Ромите.

„Со избраните кандидати ќе се организира работилница за мотивација, самодоверба и справување со стрес, како и курсеви за подготовка на кандидатите успешно да ја положат државната матура и полесно да се запишат на медицинските факултети“, објасни Стојковски. (Г.Е.)