Живот
Болестите се читаат на лицето
Ако се сомневате дека вашето здравје не е во најдобар ред, доволно е да се погледате во огледало и да видите што се случува во вашиот организам
Доволно е само еден поглед на лицето во огледало и да знаете какво здравје имате, тврдат експертите. Ако се сомневате дека вашето здравје не е во најдобар ред, понекогаш сосема е доволно и малку потемелно да се погледате во огледало за да видите што се случува во вашиот организам. Експертите тврдат дека неколку заболувања можат да се откријат едноставно со погледот во огледалото.
ОЧИ
Виснати капаци можат да упатуваат на мозочен удар и во ретки случаеви рак на белите дробови.
Црвенилото во очите најчесто е безопасно. Сепак, ако забележите дека белките се често црвени, тоа може да биде поврзано со зголемен крвен притисок или висока температура. Црвенилото во очите може да биде последица на воспаление на рожницата на окото или алергиски конјуктивитис.
Треперење на окото се јавува поради зголемен стрес. Доколку таа состојба трае подолго од седум дена, може да укажува на мултиплекс склероза.
Белиот прстен околу шареницата може да биде знак на зголемен холестерол. Освен тоа, на рабовите на капаците или на кожата околу очите можат да се појават мали бели точки, кои се наслојки на холестеролот.
Белите капаци се знак на анемија. Недостатокот на железо може да се уочи и во ушната шуплина и на образите. Симптоми на анемија се слабост, несвестица и чувство на ладовина, а се открива едноставно со анализа на крвна слика.
КОЖА
Црвенило на лицето може да укаже на срцеви заболувања, лупус или менопауза, ако е во прашање жена.
Отечено лице може да биде знак на ослабена работа на штитната жлезда, а ако работи побавно, метаболизмот се забавува. Тоа може да доведе до зголемување на телесната тежина, вклучувајќи го и лицето.
Болна и сува кожа, која тера на чешање, обично е симптом на егзема. Меѓутоа, и одредени лекови можат да предизвикаат чешање и чувство на непријатност на кожата.
УСНИ
Суви, испукани и болни усни можат да значат дека ви недостасува железо во крвта. Друга можна причина на овие симптоми е дијабетис, што е проследен со жед, замор и често одењето во тоалет.
НОС
Тврдата кожа околу носот може да упати на хронично заболување, кое се јавува поради затнување на крвните жили на лицето. Носот тогаш станува отечен. Лекарите советуваат избегнување на сонце, консумирање зачинета храна и алкохол и изложување на сонце.
УШИ
Тумор - бениген или малиген - на надворешен слушен канал или во внатрешноста на увото може да предизвика увото да го промени обликот. Рагби-играчите и боксерите се најдобри примери за тоа. |
