Високо оценето виното „шардоне“ во Канада
Мики Марина, Скопје
Виното „шардоне“ на „Фонко вајнс“ е добитник на Сребрен медал на најголемата винска манифестација во Северна Америка - Selections mondiales des vins Canada.
На овој престижен вински натпревар, во конкуренција на 2.130 вина од 30 земји од светот, врвното бело вино „шардоне“ успеа во конкуренција со најреномираните светски производители да освои голем број поени, со што го обезбеди ова високо признание.
Добиениот Сребрен медал во Канада е најново признание во долгата низа врвни награди за вината на „Фонко“, добиени на големите вински манифестации во Европа и во светот и претставува уште една потврда за врвниот квалитет, со што широко се отвораат вратите за пласман на вина на најпребирливиот, но и најбогатиот пазар во светот – северноамериканскиот.
Винарската визба е сертифицирана според ИСО 2000, во кој се инкорпорирани широко применетите ХАСАП- принципи за управување со квалитет во производството на храна. |
