Учество во детски климатски камп во Данска

Четири ученички од основното училиште „Мирче Ацев“ од Општина Ѓорче Петров од денеска до петок ќе учествуваат на „Детскиот климатски креативен камп" во Белеруп, Данска. Триста млади од целиот свет ќе се запознаат и ќе дискутираат за климатските промени и како дополнување на претстојната Конференција за климатските промени, ќе биде потпишан „Детскиот климатски договор“. Документот ќе им биде поделен на возрасните, со цел да ги земат предвид заклучоците при донесувањето на одлуките врзани за климатските промени.

Децата во „Детскиот креативен климатски камп“ ќе работат со уметници, танчери, писатели и музичари во 15 различни креативни работилници со акцент на темите енергија, отпад и вода. В сабота ќе биде презентирана заедничка визуелна климатска порака на меганастанот во суперарената во Белеруп пред многуилјадна публика составена од деца, политичари и медиуми. (С.Н.)