Наскоро судење за убиството кај ПМФ
Иако обвинителниот акт се' уште е во фаза на жалба, сепак, повеќе од извесно е дека на обвинетите за бруталниот напад на тим на полициските „алфи“ ќе им се суди најдоцна за десетина дена. Предметот веќе му бил даден на проучување на еден од судиите од скопска „единица“, но судијата се' уште не го одредил точниот термин за започнување на судскиот процес, кој ќе се води против обвинетите Реџаиљ Ќерими-Реџо (40) од Липково, со место на живеење во селото Опае, скопјаните Агим Ислами (26) и Алмир Дрпљанин (30), како и лицето Рамадан Шакири (20) од скопско Арачиново.
Според обвинителниот акт, првите тројца се товарат за едно кривично дело убиство и за две кривични дела обид за убиство, додека Рамадан Шакири ќе одговара за помагање на сторител по извршено кривично дело.
Интересно, а тесно поврзано со овој судски предмет, е сознанието дека по него нема да постапува совет од Одделот за организиран криминал, туку „обични“ кривичари. (Љ.С.) |
