|
|
|
|
|
|
|
Корекции околу расата овци праменка-овчеполка
Андре Аланпиоски и Зоран Василески, координатори на „Златно руно“
Во врска со наводите во вашиот весник под наслов „Високо под облаците - бизнис со органска храна“, изразуваме голема благодарност за посветеното време и одвоениот простор, но, сепак, укажуваме на некои неточни информации што даваат погрешна слика за реализираниот и промовираниот проект од страна на ЗПОХ „Златно руно“, а поддржан и кофинансиран од Глобалниот еколошки фонд - Програмата за мали грантови на Република Македонија.
На 30.7. 2011 вашиот новинар беше гостин на промоцијата на Проектот за заштита на автохтоната раса овци праменка-овчеполка, која беше во организација на ЗПОХ „Златно руно“ од село Горно Крушје, а не во посета на „Екосир“ и Зоран Василески.
Бројот на овците не е 1.000, туку 700, не е точен и називот на планината Мокра Гора, туку бачилото се наоѓа на спојот на планините Песјак и Челојца, односно под врвот Кула. Оддалеченоста од Македонски Брод до село Горно Крушје не е 10 км, туку 24 км; Горно Крушје се наоѓа на 1.100 метри надморска височина, а не на 1.500 метри; летното бачило не е во сопственост на „Екосир“, туку е сопственост на ЗПОХ „Златно руно“. Патот од село Горно Крушје до летното бачило Близни Чешми е долг 3 км, а не 5 км и не е остар, тежок и опасен, туку е пробиен со карактеристики на шумски пат и е прооден само за теренски возила.
Координаторите и консултантите на проектот немаат дадено изјави за вашиот новинар. |
#
|
|
|
Статијата е прочитана 364 пати.
|
|
|
|
|
|
|
| Од: Pero |
| Датум: 23.08.2011 09:40:01 |
|
|
|
|
|
|
|
|
|
|
