Патека на пријателство

Пешачка патека долга 720 метри и широка 1,9 метри се гради по должината на границата на парк-шумата „Гази Баба“, од паркингот кај Здравствен дом „Железара“ до детското игралиште. Градот Скопје ја гради оваа патека по барање на Здружението на граѓани на населбата Железарница и на урбаната заедница „Железара“ и таа ќе го носи името „Патека на пријателство со природата“.

Патеката, која ќе биде осветлена со нови канделабри, ја асфалтира „Улици и патишта“, а околината ќе ја уреди „Паркови и зеленило“. Градот Скопје ќе потроши околу еден милион денари за нејзината изградба. (С.Н.)