Ограбена куќа на печалбар од Швајцарија

Одземени се предмети за домаќинство и градежна столарија во вредност од околу 25.000 евра

ТЕТОВО - Засега непознати арамии влегле во куќа во градба на тетовец, вработен во странство и му одзеле градежна столарија и предмети за домаќинство во вкупна вредност од околу 25.000 евра. Според СВР-Тетово, кражбите биле извршени во период од август минатата година па до вчерашниот ден кога сопственикот го пријавил случајот. Куќата се наоѓа во населбата Дреновец 2 и е сопственост на печалбар од Швајцарија, кој овие денови престојува во родниот град.

Крадците однеле 12 врати, фрижидери, кафемати, радијатори, електричен шпорет и друга покуќнина. Начинот на кој е извршена кражбата не е познат, иако на самото место можело да се види дека има отворени прозорци кон подрумите и кон катот на модерната семејна куќа. Инаку, во ист двор се наоѓа и куќа на брат на ограбениот. Полицијата изврши увид и располага со првични сознанија за можните сторители. (Г.Е.)