Прв план за одржлив транспортен систем во Скопје
Визија за идниот развој на градскиот транспорт во насока на обезбедување подобри услови за живот на граѓаните треба да обезбеди новиот предлог-план за одржлив транспорт, кој вчера беше презентиран во Градот Скопје. Планот е дел од проектот „CIVITAS RENAISSANCE “, а целта е преку размената на различни практики да се добие нов план во кој ќе б��дат вклучени и начините за стимулирање на јавниот превоз, но и други модели на одржлив транспорт со цел да се подобри постојниот транспортен сервис.
„Градот Скопје ги насочува своите напори кон проекти фокусирани кон енергетската ефикасност, примена на алтернативни горива, заштита на животната средина и планирање на одржлив транспорт“, истакна градоначалникот Трајановски.
Предлог-планот веќе е дистрибуиран до сите релевантни фактори во земјава, до централната и до локалната власт, Градскиот совет, Секторот за сообраќај во Градот, градската полиција, компетентни професионални компании за урбанистичко планирање, сообраќајно инженерство, архитекти, инженери и менаџери за животна средина, како и до невладини организации. (Сн.К.) |
