Замир Дика нов ректор

ТЕТОВО - Замир Дика е нов ректор на Универзитетот на Југоисточна Европа во Тетово, попознат како Штулов универзитет. Официјалната промоција на Дика за ректор се случи вчера. Досегашниот ректор Алајдин Абази, кој на таа функција беше од формирањето, заминува во пензија, а на Универзитетот ќе биде ангажиран како советник.

„Го познавам духот на овој Универзитет. Тоа е, пред се', во волјата на академскиот кадар во потрага по знаења и трансформирање, во создавање млади научници, во желбата на студентите за нови знаења. Пред мене стојат три приоритети: зголемена институционална автономија, зајакнување на идентитетот на Универзитетот и истражувања и иновации во функција на стекнувањето нови знаења. Овде се студира на албански, македонски и на англиски јазик, што претставува посебна вредност“, рече новиот ректор Замир Дика. (Г.Е.)