Детска уметничка колонија

Седумдесетина глинени предмети изработени од децата - учесници на летниот екокамп „Котиледонија 2010“ еден месец ќе бидат изложени во Музејот на Македонија. Изложбата со наслов „Детска уметничка колонија“ ќе биде отворена в сабота, а се одржува по повод Светскиот ден на детето, 20 Ноември. За 19 декември се подготвува голема аукциска продажба на предметите, на која ќе присуствуваат авторите на делата, како и деца од неколку градинки и училишта.

„’Котиледон Продукција’ веќе трета година организира вакви изложби. Лани беше купена постелнина за Детската клиника, а сега парите ќе бидат за Клиниката за детска стоматологија ’Св. Пантелејмон- Скопје‘“, изјави директорот на „Котиледон“, Ивица Маринковиќ, попознат како Ивце Пивце. (Б.Ш.)