Нова жртва на предозираност
БИТОЛА – Дваесет и едногодишен битолчанец вчераутро околу 6,50 часот е пронајден мртов во близина на старите светонеделски гробишта во Битола. Според полицијата, безживотното тело на Т.К. во автомобил ,,опел корса“, паркиран крај старата зграда на Биотехничкиот факултет, го пронашол случаен минувач, кој веднаш ја алармирал полицијата. Од МВР велат дека крај мртвиот млад човек во автомобилот бил пронајден шприц, што укажувало дека станува збор за предозираност со дрога. Првичниот увид на лекарите покажал дека нема траги на насилство. Од почетокот на годината од предозираност со дрога починаа уште двајца млади битолчани. (А.Б.) |
