Конкурс за награди во новинарството

По повод Меѓународната недела за намалување на сиромаштијата, Организацијата на Обединетите нации вчера го отвори конкурсот за доделување награди во новинарството и фотографијата на теми поврзани со сиромаштијата во земјава. Предвидени се четири категории - најдобар прилог во печатен медиум, најдобар ТВ-прилог, радиоприлог и најдобра фотографија. Прилозите може да бидат изработени или веќе објавени во некој медиум во период од 12 октомври минатата година до 27 септември годинава. Првата награда изнесува 500 долари, втората 300, а третата 200 долари. Крајниот рок за пријавување е 27 септември. (МИА)