Алтман - нов главен директор за маркетинг на „Т-мобиле“
Бордот на директори на „Т-мобиле Македонија“ го назначи Габор Алтман за нов главен директор за маркетинг и продажба, почнувајќи од 1 август. Моментно, тој работи како заменик-директор за бизнис, стратегија и маркетинг во „Т-системс“. Габер Алтман завршил електроинженерство и телекомуникации на Техничкиот универзитет во Будимпешта, а докторирал во областа на компјутерската технологија. Добитник е на престижната евроинженерска диплома ФЕАНИ, како и диплома МБА од Универзитетот Кејс вестерн во Кливленд, САД. Во 2002 година се приклучи кон групацијата „Маѓар телеком“ и работеше како директор за управување со производи. (Ек.Р.) |
