Господ сакаше во ист ден кога физичарите го почнаа „експериментот на судниот ден“, како што скептиците го нарекоа обидот да се открие како настанал универзумот, Македонија да загуби од Холандија во квалификациите за Светското фудбалско првенство во Јужна Африка. Загрижените за судбината на Земјата предупредуваа дека таа би можела да биде проголтана од црната дупка што требаше да се создаде во подземниот тунел на швајцарско-француската граница, но не се случи тоа, како што не е крај на светот ни за македонските фудбалери по неуспешната берба на „лалињата“ на Градскиот стадион во Скопје.
На трнливиот пат до југот на Африка има уште шест етапи и веќе по првата станица на 15 октомври во Рејкјавик работите повторно можат да се свртат во полза на избраниците на селекторот Среќко Катанец. Тие во Исланд ќе патуваат како дел од лидерското трио во деветтата група, што до некаде го релативизира прексиноќешниот пораз, дотолку повеќе што четвртата светска фудбалска сила моментно ќе биде фаворит и на преостанатите три гостувања.
Оттаму, не може да има место за дефетизам. Напротив. Репрезентативците можат да бидат задоволни, а навивачите горди на нив, за тоа што го прикажаа против најсилниот состав што играл во Македонија. Не само што достојно му се спротивставија на тимот од соништата, туку покажаа и нов квалитет по двата наивно примени гола, кога не паднаа со духот и со сите сили атакуваа на израмнување. Таа без малку надреална слика кога станува збор за македонскиот фудбал треба да биде патоказ за следните дуели. Впрочем, и сензационалната победа на Луксембург во Швајцарија го потврдува Ван дер Варт кога вели дека повеќе нема мали и големи екипи.
pisateli filozofise yavuvaat kaj nas mala zemja so mnogu pisuvaci i filozofi,prosta drzava se veli silen narod e takvi ke bevme nie mnogu uceni sto i pamet ni tece od strana od usite,ey majkata sto uceni sme nie duri i za izvoz imame na ovie sasirdisanite evropejci da im dademe , lele kolku sme uceni ajde be ko nas nema drugo mestonie sme nayucenite i naypametnite ,abe cekay vo svetot nema popametni ,ma kakvi ni vo universot nema,ne samo toa tuku jas sum i poucen i od tebe od nego abe od site leleeeeeee sto sum pameten sto sto,sto bese muabetot?
Роберт Димитриевски
