Челична ограда на видиковецот на Водно

Горниот видиковец на Водно од неодамна е заштитен со челична ограда. Оградата е долга 120 метри и висока е два метра, а зацврстена е на метални столбови. Во неа се вградени вкупно 50 метални столба во висина од 2,8 метри, кои наскоро ќе бидат бојадисани со зелена боја.

Оградата ја поставија екипи на ЈП „Улици и патишта“ со цел да се заштити просторот кај реконструираниот видиковец од отпадоци и смет. Оваа активност е дел од редовните активности на Град Скопје за одржување на Парк-шумата „Водно“. (Дс.Т.)