Срѓан Керим aмбасадор на Спортските игри на млади во Сплит

Д-р Срѓан Керим, претседател на 62. заседание на Генералното собрание на Обединетите нации, и Ведран Дувњак, претседател на хрватскиот Фонд за приватизација, се прогласени за амбасадори на Спортските игри на млади во Сплит.

На прес-конференцијата организирана по тој повод, Срѓан Керим изјави: „Чест ми е да се придружам на листата на бројни амбасадори на Спортските игри на млади и оваа улога за мене претставува обврска спрема Игрите“.

Спортските игри на младите се одржуваат по 14. пат, а годинашните собраа 51.350 деца од Хрватска, а веќе наредната година ќе се одржат во Босна и Херцеговина и во Црна Гора.

Досегашните амбасадори на Игрите се: Дејвид Ричардс, Дејвид Бекам, Франц Бекенбауер, Свен Јоран Ериксон, Вилфрид Мартинс, Ленарт Јохансон, Предраг Мијатовиќ, Ерхард Бусек, Ханес Свобода...