Волци заклале овци во Куклиш

СТРУМИЦА - Волци влегле до првите куќи во струмичкото село Куклиш и заклале девет овци, а повредиле три, сопственост на сточарот Ристо Димкин. Овој настан ги потресе жителите на селото, бидејќи, како што велат, досега не паметат летно време и толку блиску до селото да доаѓале волци.

„Имам 64 години и не паметам вакво нешто да се случило во селото. Овците излегле од трлото, а кога ги побарав имаше што да видам, беа заклани. Три животни уште даваа знаци на живот. Викнав ветеринарен лекар, но не знам дали ќе преживеат“, вели Ристо Димкин, сточар од селото.

Потресени од овој случај, но и загрижени за сопствените и животите на добитокот, жителите од вчера почнаа да се организираат за да се заштитат од волците. (Е.П.)