Од денеска интернационален циркус „Монте Карло“

Од денеска до 12 октомври гостува интернационалниот циркус „Монте Карло“. Лоциран е спроти Железничката станица, а претставите ќе се одржуваат секој ден од 18 до 20 часот. Скопјани, покрај вешти акробати, ќе можат да погледааат и забавни точки со разни животни. Циркусот „Монте Карло“ како голема атракција го најавува гостувањето на шестогодишната Мелани Донерт. Таа ќе настапи со специјално подготвени точки со циркускиот слон и дел од змиите.

Влезниците чинат од 200 до 350 денари, а сите заинтересирани за резервации и дополнителни информации ќе можат да се обратат на телефонскиот број 075/58 48 16.

Циркусот има своја зоолошка градина, која ќе работи од 10 до 17 часот, а љубителите на животните и најмладите во неа ќе можат да ги видат циркускиот слон, камилата, неколкуте зебри, змии, мајмунот и другите животни. (Сн.К.)