Бостон го истури бесот врз Сакраменто
Гневни по двата пораза во низа од Л.А. Лејкерс и Голден Стејт кошаркарите на Бостон го истурија сиот свој бес врз нивните колеги од Сакраменто. Селтикси славеа со преубедливи 108:63 што е нивна 28 победа во оваа сезона во НБА лигата.
„Кралевите“ одолеваа само во првата четвртина, втората му припадна на Бостон со плус 19, а во третата и четвртата гостите само ја зголемуваа предноста. Посебно расположен за игра беше Кевин Гарнет кој оствари дабл-дабл ефект (21 кош и 11 скока), Џон Салмонс беше единствениот домашен играч со двоцифрен број поени (11).
Тимот на Л.А. Лејкерс, во својот „Стејплс“ центар стигна до 25 сезонски триумф. „Езерџиите“ го совладаа составот на Голден Стејт со 130:113. Нова брилијантна партија прикажа Коби Брајант (31 кош), лидер кај вориорси беше Џамал Крафорд со 22 поена, два скока и пет асистенции.
Резултати: Њујорк - Денвер 110:117, Л.А. Клиперс - Далас 76:98, Кливленд - Мајами 93:86, Индијана - Њу Орлеанс 103:105, Сакраменто - Бостон 63:108, Л.А. Лејкерс - Голден Стејт 130:113.
|
