„Црвена јабука“ и „Бијело дугме“
Концерт за старите добри времиња
Иако нивниот концерт беше најавен како последен во низата заеднички концерти, по скопското гостување на легендарните поранешните ЈУ-групи „Црвена јабука“ и „Бијело дугме“ во средата вечерта во „Метрополис арена“ во Скопје, нивната заедничка приказна, дефинитивно, продолжува и натаму.
Пет часа музика беа сосема доволно за потсетување на старите добри времиња со хитовите со кои пораснаа неколку генерации. Концертот го отвори „Црвена јабука“, следуваа „Дирлија“, „То ми ради“, „Зову нас улице“, „Има нешто од срца до срца“, „Туга, ти и ја“, а вториот дел беше резервиран за проектот „Кад би био Бијело дугме“ и „Након свих ових година“, „Битанга и принцеза“, „Не спавај мала моја“, „Мотори“, „Ружица си била”, „Криво је море“, македонската „Јовано Јованке“....
Во еуфоричната атмосфера единствено недостасуваше малку повеќе воздух и вентилација. Организаторот на концертот беше „Нова икс идеја“, а како загревање настапија Александар Белов, Александар Тарабунов и Ивица Веловски. |
