Нови тротоари и патеки во Карпош 4
Нови пешачки патеки и проширување на тротоари се дел од активностите што се изведуваат на подрачјето на Карпош 4. Ангажирани на терен се екипи на „Сандра инженеринг“, „Анизор“, „Аполо инженеринг“ и „ДА-БО компани“, кои моментално работат на осум локации.
Се градат пешачки патеки на улиците „Разловечко востание“, „Никола Парапунов“, „Соле Стојчев“ и „Волгоградска“. Исти зафати се вршат и на улиците „Желево“ и „Трифун Бузев“. П��ед кулите, пак, на „Никола Парапунов“ и на улиците „Невеска“ и „Воденска“ се врши реконструкција и проширување на постојните тротоари, а се обновуваат и пешачките патеки. Вакви активности се планирани и на улицата „Вич“. Општинарите од Карпош информираат дека во овој бран градежни зафати е планирана и обнова на оградата на ОУ „Петар Поп Арсов“. (Дс.Т.)
|
